«Сăваплă ят» викторина пĕтĕмлетĕвĕ аслă поэтăмăрăн ырă ячĕ халăх асĕнче
Пултаруллă поэт, прозаик, куçаруçă тата критик Василий Егорович Митта çуралнăранпа кăçал пуш уйăхĕн 5-мĕшĕнче 110 çул çитрĕ. «Чăваш наци конгресĕ» регионсен хушшинчи общество организацийĕн вĕренÿ комитечĕ, Чăваш Республикин наци библиотеки, «Хыпар» Издательство çурчĕн литературăпа культура тата искусство «Тăван Атăл» журналĕпе чăваш ачисен «Тантăш» хаçачĕ сăмах ăстине сума суса 2018 çулхи кăрлач уйăхĕн 10-мĕшĕнчен пуçласа нарăс уйăхĕн 28-мĕшĕччен «Сăваплă ят» викторина ирттерчĕç.
Жюри ĕçсене пăхса тухнă хыççăн викторина ыйтăвĕсене чи тĕрĕс те тулли хуравлакансене палăртрĕ. Вĕсем Шупашкара Наци библиотекине Митта Ваçлейĕ çуралнăранпа 110 çул çитнине халалланă «Аслă Арапуç юманĕ» уява хутшăнма тивĕçлисем шутĕнче пирĕн шкулти 11 класра вĕренекен Анна А. пулчĕ. Вăл 2-мĕш вырăн йышăннă. «Этем этеме ан пул ытлашши» республика шайĕнчи интернет- викторинăра Вера И. (11кл) тата Валериан И. (8б) çĕнтерӳçĕ ятне илнĕшĕн саламлатпăр. Артём С. (8б) 2-мĕш вырăн, Валентина М. (7а) 3-мĕш вырăн йышăннăшăн саламлатпăр. Ертсе пыраканĕ Ишова А.В.